Speeches Shim
Ноябрь айында АКШнын Эл аралык өнүктүрүү боюнча агенттиги (USAID) Кыргызстандагы конок үйлөр жана боз үй лагерлердин ээлери үчүн эл аралык брондоо жүргүзүлгөн вебсайттарда каттоо жана өз бизнестерин өнүктүрүү боюнча бир катар практикалык тренингтерди өткөрдү. Натыйжада Нарын жана Ысык-Көлдө жайгашкан 39 жаңы конок үй жана боз үй лагерлер Booking.com сайтында катталды.
2017-жылдын 16-ноябрында АКШнын Эл аралык өнүктүрүү боюнча агенттиги (USAID) жана “Фермерс Органик Гарден” ЖЧКсы Жалал-Абад облусунун Сузак районунда мөмө жана жашылча-жемиштерди кайра иштетүүчү жаңы ишкана ачышты. Жаңыланган ишкана ширелерди, консерваланган жашылча-жемиштерди, вареньелерди, кургатылган мөмө-жемиштерди жана томат пастасын өндүрүү көлөмүн көбөйтүүгө мүмкүндүк берет. Бул областтагы эң ири кайра иштетүүчү ишкана 155 жаңы жумуш орунду түзөөрү күтүлөт.
Ошто жаңы иштеп баштаган жемиш кургатуучу жана муздак сактоочу жайлар жергиликтүү дыйкандардан түшүм сатып алууну башташты. Эки жаңы жемиш кургатуучу ишканалар жылына 1,000 тоннадан ашык жемишти кайра иштете алат, ал эми жаңы складдын сыйымдуулугу – 40 тонна алма. Бул ишканаларда АКШнын эл аралык өнүктүрүү агенттигинин (USAID) көмөгү менен заманбап, экспортко татыктуу сапатта продукция чыгаруучу кайра иштетүү линиясы орнотулган. Бул жаңы ишканаларга 2 миңден ашуун жергиликтүү үй-бүлөлөр түшүмүн сатып, пайда көрүшү күтүлүүдө.
29-октябрда Кыргызстандын гиддери үчүн эл аралык стандарттар боюнча окуу аяктады. Дүйнөлүк туристтик гиддер ассоциацияларынын федерациясынын (WFTGA) мүчөлөрү 39 катышуучуга саякаттарды пландоо, гиддер катышкан турларды өткөрүү, туристтик жайларга байланыштуу маданий жана тарыхый маалыматтарды издөө боюнча ыкмаларды үйрөтүштү. Бул тренингди АКШнын эл аралык өнүктүрүү боюнча агенттиги (USAID) Кыргызстанда туризмди өнүктүрүү аракетинин алкагында уюштурду.
26-октябрда Улуттук кургак учук борбору дарыларга туруктуу кургак учук менен оруган биринчи алты бейтап жаңы кыска дарылануу режимин аяктаганын тастыктады. АКШнын эл аралык өнүктүрүү боюнча агенттиги (USAID) Кыргыз Республикасындагы бардык орулууларды бул Бүткүл дүйнөлүк саламаттык сактоо уюму рекомендациялаган жаңы режимге өткөрүү үчүн жергиликтүү өнөктөштөр менен иштеп жатат.
Comment
Make a general inquiry or suggest an improvement.