Speeches Shim
Эт продукциясынын ири өндүрүүчүлөрүнүн бири «Адал Азык» компаниясы АКШнын Эл аралык өнүктүрүү боюнча агенттиги менен кызматташтыкта Кочкор районунда мал союлуучу жаңы цех ачты. Бул цех Кыргызстанда ачылган эл аралык тамак-аш коопсуздугун камсыз кылуу боюнча эл аралык стандарттарына жооп берген (НАССР) жана чет өлкөлүк кардарлардын талаптарына ылайык сертификацияланган цехтердин экинчиси болду.
Ишемби күнү, 9-сентябрда, Америка Кошмо Штаттарынын ыйгарым укуктуу өкүлү Алан Мельцер, Өкмөттүн Ысык-Көл облусундагы ыйгарым укуктуу өкүлүнүн биринчи орунбасары Монолдоров Дамир, Каракол шаарынын мэри Данияр Арпачиев менен биргеликте Каракол шаарындагы жаңы “Ривер парк” сейил багынын расмий ачылыш аземинде катышышты. Аталган паркта коомдук иш чаралар өткөрүлүп, Каракол шаарына келген туристтер жана жергиликтүү тургундар эс алышат. Бул парк АКШнын Эл аралык өнүктүрүү боюнча агенттигинин (USAID) Каракол шаарында жана Кыргызстан боюнча чет элдик туристтердин санын көбөйтүү аркылуу иш орундарды камсыздоо жана жергиликтүү коомчулуктун кирешелерин көбөйтүү аракетинин алкагында курулду.
Бүгүн Бишкекте Борбордук Азия боюнча кургак учукту интеграцияланган контролдоо боюнча экинчи эл аралык конференция башталды. Эки күндүк иш-чарага Дүйнөлүк саламаттык сактоо уюмунун 2015-2035-жылдарга «Кургак учукту токтотуу» стратегиясында белгиленген милдеттерди ишке ашыруунун жолдорун жана прогрессти талкуулоо үчүн түрдүү өнөктөштөр жана кургак учук боюнча иштеген медицина адистери чогулат. Бул стратегия кургак учуктан өлүмгө учуроону 95%га жана ооруга чалдыгууну 90%га кыскартууга багытталган.
Америка Кошмо Штаттары Кыргыз Республикасын 23-25-августта Бишкекте Ак илбирсти жана анын экосистемасы боюнча форумду ийгиликтүү өткөрүп алышы менен куттуктайт. Ак илбирс жашаган 12 өлкө ак илбирсти сактап калууну колдоорун дагы бир жолу тастыктап, “Ак илбирске жана тоолорго кам көрүү – биздин экологиялык келечегибиз” атnуу Бишкек декларациясына кол коюшту.
АКШнын эл аралык өнүктүрүү боюнча агенттиги (USAID) жаш энелерге ымыркайлардын ден соолугун чыңдоо жана тамак берүүнү жеңилдетүү аркылуу дүйнөлүк эмчек эмизүү жумалыгын өткөрдү. 1-7-августта өткөн жумалыкта USAIDдин Дүйөлүк дэңгээлде тамак-аш тармагында өнөктөштүктү, натыйжалуулукту жана инновацияны чындоо долбоору (SPRING) Республикалык ден-соолукту чыңдоо борбору жана башка өнөктөштөр менен бирге, Нарын жана Жалал-Абад облустарында он үй-бүлөөлүк медициналык борборлоро энелер бөлмөлөрүн ачты. Бул эмизүүгө керектүү болгон жабдуулар менен камсыз болгон бөлмөлөрдө энелер балдарын ээн-эркин эмизе алышат. Ошондой эле, бөлмөлөрдө балдардын өсүп-өнүгүүсүнө эмчек эмизүүнүн мааниси тууралуу маалымат бар.
Comment
Make a general inquiry or suggest an improvement.