Speeches Shim
3-5-октябрда, Ташкентте өткөн 23-эл аралык туристтик жарманкесине Кыргызстандан он туризм компаниясы катышты. Бул сапар Америка кошмо штаттарынын эл аралык өнүгүү агенттигинин (USAID) колдоосу менен өттү. Кыргызстандын стендинде орун алган боз үй, улуттук музыка жана кол өнөрчүлөрдүн көргөзмөсү келген конокторго өлкөнү жагымдуу туристтик жай катары көрсөткөнгө жардам берди. Делегация Өзбекстандын көптөгөн туризм ишканалары менен жолугушуп, 141 кызматташуу келишимине кол коюлду.
АКШнын Эл аралык өнүктүрүү боюнча агенттиги (USAID) Ош жана Нарын облустарынын бийик тоолуу райондорундагы он беш фермер аялдарга жашылчаларды күнөсканада өндүрүүнү жолго коюуга жардам көрсөттү. Жалпы аянты 1800 м2 түзгөн бул күнөсканаларда, аялдар сезон аяктаган маалда сатыкка алып чыгуу максатында бадыраң жана помидорлорду өстүрүүнү пландаштырып жатышат. Бул кызматташуулар айыл-чарба секторунда аялдардын ишкердигин колдоо менен бирге, зарыл болгон кошумча киреше табууга жана базарда жашылчалар азайган кезде жергиликтүү калкты камсыздап туруу аркылуу алардын тамактануу рационун жакшыртууга көмөк көрсөтөт.
18-21-сентябрда кыргызстандык кийим тигүү ишканалары Парижде өткөн тигүү өнөр жайында камсыздоочуларды табууга багытталган көргөзмөгө алгачкы жолу катышышты. Бул сапар Кыргызстандын тигүү өнөр жайын эл аралык рынокторго чыгаруу аракетинин алкагында, АКШнын эл аралык өнүгүү агенттиги (USAID) тарабынан каржыланды.
2017-жылдын 29-сентябрында АКШнын Эл аралык өнүктүрүү боюнча агенттиги (USAID) Кыргыз Республикасынын жергиликтүү өз алдынча башкаруу органдарын күчөтүү жана адардын кызмат көрсөтүүсүн жакшыртуу маселелерин талкуулоо максатында форум уюштуруп жатат. Жалал-Абад, Нарын, Ош жана Ысык-Көл облустарынын муниципалитеттеринин, жергиликтүү кеңештеринин жана жарандык коом уюмдарынын, КР Өкмөт аппаратынын жана эл аралык уюмдардын 120га жакын өкүлү мыкты тажрыйба менен бөлүшүү жана талкуулоо үчүн чогулушат.
15-сентябрда Америка Кошмо Штаттарынын Кыргыз Республикасындагы убактылуу ыйгарым укуктуу өкүлү Алан Мельцер Талас облусунун сегиз китепканасына 13 560 китеп тапшырды. Ар бир китепкана жаш окуучуларга ылайкыталган жомоктор, ырлар, аңгемелер, табышмактардан турган 1695 китеп алды. Бул китептер баштапкы класс окуучулардын окуу көндүмдөрүн өөрчүтүүгө багытталган “Бирге окуйбуз” долбоорунун алкагында берилди.
Comment
Make a general inquiry or suggest an improvement.