Speeches Shim
13 жаштагы Айдана Кыргызстандын Ысык-Көл облусунун эң эски муниципалитеттеринин бири болгон Липенка аймагында жашайт. Балалык чагынан тарта эле ал мукам үндүү комузда ойногонду жакшы көрөт. Акыркы убакытка дейре Айдана комуз ийримине катышуу үчүн жумасына эки жолу 50 чакырым алыстыкта жайгашкан Каракол шаарына барып келүүгө мажбур болчу.
Кыргызстандык гиддер 70 өлкөдөн 200 миң гиддин башын бириктирген Дүйнөлүк гиддер ассоциациялар федерациясынын (WFTGA) сертификациясына ээ болушту. Кыргызстандык 31 гид АКШнын Эл аралык өнүктүрүү боюнча агенттигинин (USAID) колдоосу менен WFTGA адистери өткөргөн окуудан кийин сертификат алышты. Сертифкаттарды алган жергиликтүү гиддер эл аралык деңгээлде кызмат көрсөтүп, Кыргызстанды туристтерге жагымдуу өлкө катары калыптанышына жана туризмдин өнүгүшүнө салым кошушат.
Саламаттыкты Сактоо министрлиги жана USAIDдин Challenge TB (“Кургак учукка каршы туруу”) долбоору Кыргыз Республикасы боюнча кургак учуктун (туберкулез) дары-дармектерге туруктуу формасы менен жабыркаган бейтаптарды жаӊы, эффективдүү жана кыска мөөнөттүү дарылоо режимине өткөрө башташты. Дарылоонун жаӊы режими, мурунку стандарттык дарылоого караганда, арзан жана терс таасирлери азыраак.
2017-жылдын 30-ноябрь күнү АКШнын Эл аралык өнүктүрүү боюнча агенттиги (USAID) менен «Агропродукт Азия» компаниясы Баткен облусунун Кадамжай районунда дүйнөлүк талапка жооп берген мөмө-жемиштерди консолидациялоочу жана упаковкалоочу борбордун ачылыш аземин өткөрүштү.
Эл аралык өнүктүрүү боюнча АКШ агенттиги (USAID) Кыргыз Республикасынын Саламаттык сактоо министрлиги, СПИД боюнча республикалык борбор жана башка өнөктөштөр менен бирге СПИД менен күрөшүү күнүнө карата иш-чараларды өткөрүүдө. Бул иш-чаралар коомчулуктун көңүлүн ден соолук укугуна бурууга багытталган.
Comment
Make a general inquiry or suggest an improvement.