Speeches Shim
Përderisa sektori privat në Kosovë po merrte hov nga reformat qeveritare që po nxisnin krijimin e një mjedisi më të përshtatshëm, më transparent dhe të parashikueshëm për afarizëm, qasja e programit të USAID-it Fuqizimim i Sektorit Privat (i njohur edhe si “EMPOWER”) ndaj forcimit të sektorit privat çoi deri te krijimi i 5,000 vendeve shtesë të punës në Kosovë. Fuqia punëtore e shkathët është thelbësore për një sektor privat të fortë në secilin vend, përfshirë edhe Kosovën.
Në kohën e investimeve fillestare të USAID-it në Kosovë, mjedrat ishin një kulturë për të cilën nuk dihej pothuajse asgjë. Për një kohë relativisht të shkurtër deri në fund të vitit 2019, mjedrat u shndërruan në një industri masive të eksportit për Kosovën – me fitim të deritashëm prej më shumë se 25 milion dollarë amerikan.
Organizatat vendore të shoqërisë civile, të pajisura me njohuri dhe shkathtësi të fituara përmes një programi të financuar nga USAID-i, kryen monitorim të pavarur të një prokurimi komunal të realizuar rishtazi për ndërtimin e një salle sportive shkollore në fshatin Gacke të Ferizajt, duke hedhur dritë mbi shumë parregullsi. Monitorimi ndihmoi në rritjen e ndërgjegjësimit dhe identifikimin e mësimeve të marra për prokurime më të efektshme në të ardhmen.
Publikimi i vendimeve gjyqësore në Kosovë tashmë është dyfishuar, gjë e cila paraqet një përparim të vërtetë për gjyqësorin pasi me këtë gjykatat bëhen më transparente lidhur me vendimet e tyre. Është dëshmuar se rritja e transparencës rrit besimin e publikut në sistemin e drejtësisë. Një raport i monitorimit i sponsoruar nga USAID-i tregon se gjykatat po publikojnë mesatarisht 1000 aktgjykime në muaj në faqen e internetit të Këshillit Gjyqësor të Kosovës (KGJK), duke vëne ne pah një rritje prej 120 përqind nga viti 2018, kur gjykatat publikonin mesatarisht 450 aktgjykime në muaj.
Forcimi i proceseve të prokurimit dhe kontrollit mbi to në nivelin komunal ndihmon qeveritë lokale të ruajnë fondet publike dhe t’u ofrojnë qytetarëve shërbime publike të cilësisë më të lartë, gjë e cila ndërton besimin e publikut. USAID-i vepron në partneritet me komunat, institucionet e qeverisë qëndrore, agjencitë e pavarura dhe shoqërinë civile për t’i fuqizuar prijësit e ndryshimeve të arrijnë depërtime të reja në transparencë të proceseve të prokurimit dhe llogaridhënie për to, duke i kontribuar në këtë mënyrë rezistueshmërisë dhe vetqëndrueshmërisë së ekonomisë së Kosovës.
Comment
Make a general inquiry or suggest an improvement.