Më 11 nëntor, Administratori Green u takua me liderë të rinj të Kosovës, të cilët po avancojnë parimet e vetqëndrueshmërisë dhe po ngrisin zgjidhjet e gjetura në Kosovë në nivel më të lartë suksesi. Këta liderë të rinj kanë vizionin dhe aftësinë për t’i transformuar komunitetet e tyre për të mirë dhe po bëjnë ndryshimin në fushat e tyre përkatëse duke i kontribuuar në këtë mënyrë një Kosove e cila mbështetet në vetvete. Njëra prej këtyre influencuesve, Blerta Thaqi, është zhvilluesja e Ec Shlirë, një aplikacioni mobil për raportimin në kohë reale të ngacmimeve seksuale.

Dëshira e Dea Rexhës për të mësuar më shumë mbi barazinë gjinore dhe të drejtat e grave e nxiti atë të aplikojë për të vijuar Shkollën Kosovare për Vajzat që Synojnë Shërbimin Civil. Shkolla e Kosovës ishte një program njëmujor i mentorimit për gratë e reja ambicioze, i cili vendoste lidhje në mes të vajzave të reja dhe grave shërbyese publike. Gratë që punojnë në zyrat publike shërbyen si shëmbëlltyra për të inkurajuar gratë dhe vajzat e reja aspiruese të ndjekin ëndrrat e tyre përkundër pengesave.