Aktivitetet e sundimit të ligjit të misionit të USAID-it në Kosovë kanë një fokusim të fuqishëm në mentorim dhe zhvillim professional, me qëllim që t'i frymëzojnë pjesëmarrësit të kërkojnë role më aktive udhëheqëse në fushat e tyre përkatëse. Programet u ofrojnë grupeve të nënpërfaqësuara, si grave dhe të rinjve, mundësi për të fituar shkathtësi praktike dhe krijuar marrëdhënie strategjike. Zëvendës Drejtoresha e misionit të USAID-it në Kosovë, Zeinah Salahi, i’u bashkëngjit dy prej këtyre sesioneve për të ndarë pikëpamjet dhe përvojat e saj me praktikantët e rinj dhe gjyqtaret.

Më 27 tetor, Këshilli Gjyqësor i Kosovës (KGJK), me mbështetjen e programit të USAID-it Forcimi i Sistemit të Drejtësisë, lançoi veglën e kërkimit të statusit të lëndëve, një funksion i ri ky në faqen e internetit të KGJK-së që u mundëson qytetarëve të informohen lidhur me statusin e lëndës së tyre me një klikim të shpejtë. Kjo pikëarritje e rëndësishme është një sukses i radhës që u mundëson të gjitha palëve në procedurat gjyqësore qasje të lehtë dhe të shpejtë në informata, qoftë sa i përket statusit aktual ashtu edhe veprimeve paraprake në kuadër të lëndës së tyre.