DILI, Timor-Leste – Kuarta feira, Organizasaun tolu asina akordu parseria hamutuk ho Ajénsia Estadus Unidus ba Dezenvolvimentu Internasionál (USAID) nia Projetu Turizmu Ba Ema Hotu iha forum ne’ebé organiza hamutuk entre Embaixada Estadus Unidus no Sekretariadu Estadu Treinamentu Vokasionál no Empregu.      

Forum loron sorin – “Hadi’a Timor-Leste nia Turizmu liu husi Parseria Públiku – Privadu” – lansa inisiativa parseria projetu turizmu nian ba apoiu Timor-Leste nia Polítika Nasionál Turizmu. Eventu ne’e inklui panel diskusaun konaba parseria públiku – privadu (PPP) iha turizmu no serimónia asina ba akordu primeiru PPP nian, hamutuk ho Kamara de Komérsiu Timor-Leste, Federação Cooperativa de Credito Hanai Malu, Kaebauk Investimentu no Finansas.    

Embaixadora Estadus Unidus ba Timor-Leste Kathleen M. Fitzpatrick prometida governu Estadus Unidus nia kometimentu hodi ajuda Timor-Leste hadi’a nia turizmu – oportunidade ekonomia baze no diversifikasaun. Nia énfaze importánsia turizmu nian liga PPP ba Timor-Leste nia dezenvolvimentu sosiál no ekonomia. “Estadus Unidus nia kometimentu hanesan reflesaun tuir objetivu USAID nia Projetu Turizmu nia, hodi avansa governu Timor-Leste nia meta ba aumenta turista mai vizita to 200,000 kada tinan to 2030, prepara servisu hamutuk 15,000 ba empregu turizmu nian no jeneraliza millaun 150 ba iha rendimentu turizmu nian kada tinan,” nia hatete.      

Embaixadora Fitzpatrick nota katak meta projetu nian hanesan loos ho Estadus Unidus Indo Pasífiku nia Estratéjia ne’ebé énfaze Estadus Unidus nia apoiu ba merkadu nudar matadalan ba ekonomia no dezenvolvimentu sustentável. Nia esplika katak atinje meta ne’e sei koloka Timor-Leste iha dalan ba auto de konfiansa – objetivu importante husi Estadus Unidus nia asisténsia.   

Timor-Leste nia Sekretáriu Estadu ba Treinamentu Vokasionál no Empregu Julião da Silva rekoñese importánsia ba garante efetividade, efisiénsia no kreximentu sustentável iha turizmu nudar mós setór ida husi setór prioridade lima nasaun nian ba kreximentu no diversifikasaun ekonomia. Nia agradese ba Estadus Unidus nia apoiu no nota katak nasaun rua ne’e rekoñese importánsia parseria turizmu nian ba iha diversifika nasaun nia ekonomia hodi benefísiu komunidade lokál no aumenta kampu de servisu.  

Panelista diskute esperiénsia Governu Timor-Leste nian ba maneja PPP no fahe esperiénsia konaba turizmu –relevante ba PPP iha rejiaun ASEAN. Forum ne’e lori partisipante sira ba iha legalidade, mapamentu instituisaun, rekomendasaun save, no etapa tuir mai ba dezeñu no implementasaun ba turizmu – relevante ba iha PPPs.

Forum ne’e atrai kuaze partisipante hamutuk 100. Partisipante inklui ofisíais senior governu nian, embaixada, setór privadu, parseiru dezenvolvimentu sira, no reprezentativu husi organizasaun sosiedade sivíl ne’ebé fiar “parseria” entre instituisaun públiku no autór setór privadu ne’e nudar fatór importante ba dezenvolve Timor-Leste nia setór turizmu.

Konaba USAID: Governu Amerikanu, liu husi USAID, servisu hamutuk iha parseiru ho Governu Timor-Leste hodi apoiu baze ne’ebé luan no dezenvolvimentu ne’ebé efetivu. Dezde tinan 2001, USAID fornese besik millaun atus tolu lima nulu iha asisténsia dezenvolvimentu ba Timor-Leste. USAID apoiu Timor-Leste nia esforsu hodi harii nasaun ne’ebé demokrátiku, saudavel no prósperu liu husi programa ne’ebé mak haforsa kreximentu ekonomia ne’ebé inkluzivu no sustentável, espesiálmente iha setór agrikultura; hadi’a saúde povu Timor-Leste nian, partikularmente feto no labarik; no haforsa fundasaun ba boa governasaun – area hotu ne’ebé mak marka iha Timor-Leste nia Planu Estratéjia Dezenvolvimentu 2013-2030 no sei serve ba halo nasaun bele reziliénsia liu tan iha futuru. Atu hatene liu tan, vizita: www.usaid.gov/timor-leste.

Konaba Turizmu ba Ema Hotu: USAID nia Projetu Turizmu ba Ema Hotu nudar projetu ba tinan tolu ho objetivu atu promove Timor-Leste nia kompetisaun nudar destinasaun turizmu internasionál ne’ebé preserve ninia ambiente ne’e úniku no nakonu ho riku soin kulturál nian.