DILI, TIMOR-LESTE – Governu Estadus Unidus liu husi Ajénsia Estadus Unidus ba Dezenvolvimentu Internasionál (USAID) anunsia ohin husi Embaixadora Estadus Unidus ba Timor-Leste Kathleen Fitzpatrick komprometida hodi ajuda millaun ida pontu ida ba Governu Timor-Leste hodi luta hasoru COVID-19.

Ajuda ne’e husi USAID nia Fundu Rezerva Emerjénsia Saúde Mundiál hodi ajuda governu kapasita sistema laboratóriu, konstrui detensaun kazu no atividade vijilánsia, apoiu espertu tékniku ba responde no preparasaun, komunikasaun risku, prevensaun infesaun, no kontrolu, no seluk tan. Asisténsia Estadus Unidus nian sei liu husi USAID nia Projetu Hakbi'it Servisu Saúde Báziku no Organizasaun Mundiál Saúde ne’ebé mak iha papél importante ba ajuda governu Timor-Leste luta hasoru COVID-19.

“Alende ami luta ba hasoru COVID-19 iha ami nia nasaun, ami kontinua ajuda nasaun iha mundu liu husi asisténsia umanitária ne’ebé inklui mós investimentu millaun ida pontu ida ne’e iha Timor-Leste hodi servisu ba kontrolu tranzmisaun husi virus ne’e,” Hatete Embaixadora Fitzpatrick. “Estadus Unidus ajuda ona besik biliaun atus ida iha asisténsia saúde no besik biliaun hitu nulu iha asisténsia umanitária mundiál dezde 2009. Kontribuisaun Estadus Unidus nian ba Organizasaun Saúde Mundiál iha 2019, besik millaun atus haat, kuaze dobru segundu husi kontribuisaun ne’ebé iha.

Iha mundu tomak, USAID ajuda nasaun afetadu husi COVID-19, servisu direta ho governu, organizasaun multilateral, ONG, setór privada sira no organizasaun responde sira seluk iha kampu hodi kombate pandemia ne’e. Ne’e inklui servisu hamutuk ho servidór liña frente sira hodi hamenus tranzmisaun, ajudu ba sira ne’ebé afetadu, no fasilita komunidade lokál sira ho ekipamentu ne’ebé sira presiza hodi luta hasoru fila fali COVID-19. Ohin loron, USAID no Departamentu Estadu disponivel ona besik millaun atus rua hitu nulu resin haat hodi kombate COVID-19.

Iha Timor-Leste, Estadus Unidus investe ona besik millaun hitu nulu iha asisténsia saúde no besik millaun atus lima haat nulu resin rua iha asisténsia tomak dezde tinan rua nulu nia laran. USAID nia atividade Hakbi’it, servisu ona besik tinan haat hodi ajuda Ministériu da Saúde, halo Covalima sai hanesan modelu nasionál ba prestasaun kuidadu saúde, nomos ho Institutu Nasionál Saúde iha treinamentu servidór nian. Kualidade kuidadu saúde ne’ebé di’ak iha Covalima hadi’a ona dezenpeñamentu saúde maternal no saúde labarik, haforsa kapasidade pesoál saúde sira no lori komunidade hamutuk hodi kria solusaun ba isu mak hanesan menus transportasaun de emerjénsia no etapa sira hotu ne’ebé bele ajuda nasaun tuir dalan ba auto-determinasaun.

"Ami orgullu ba asisténsia finansiál ida ne'e husi USAID hodi haforsa liu tan apoiu ne'ebé ami fornese ona ba Ministériu de Saúde hodi responde ba COVID-19. Iha finansiamentu rekursu ne'ebé disponivél ba tempu ida hanesan agora importante tebes hodi bele responde efetivu liu tan," hatete Dr. Rajesh Pandav, Reprezentativu WHO nian iha Timor-Leste.

Ba informasaun liu tan konaba moras coronavirus COVID-19, favor vizita: https://www.cdc.gov/coronavirus/2019-ncov/index.html

Ba informasaun liu tan konaba USAID nia responde ba hasoru COVID-19, favor vizita: https://www.usaid.gov/coronavirus-covid-19