Speeches Shim
![](https://2017-2020.usaid.gov/sites/default/files/styles/732_width/public/news/05-21-2020/06drita.jpg?itok=AqCdxV38)
Drita si një aktiviste që merret me çështje rinore për një kohë të gjatë, që në mundësinë e parë iu bashkua ekipit të Qendrës Operative Emergjente në komunën e saj. Ajo është e përfshirë në mënyrë aktive në Aktivitetin Up to Youth të USAID-it, si anëtare e Bordit Këshilldhënës Rinor dhe e kupton se sa i rëndësishëm është vullnetarizmi në komunitetin e saj. Kështu, ajo nuk hezitoi t’i bashkohet përfaqësuesve lokalë të policisë, drejtorisë komunale të arsimit, administratës publike, shëndetësisë, organizatave joqeveritare, bizneseve, dhe Kryqit të Kuq për të siguruar që qytetarët e Vushtrrisë janë të sigurt gjatë pandemisë.
Si pjesë e ekipit të Qendrës Operative Emergjente, Drita dhe vullnetarët tjerë janë përgjegjës për të kontrolluar nëse supermarketet kanë shenjat e duhura që shpjegojnë qartë distancën që duhet mbajtur nga njerëzit të cilët bëjnë blerjet atje. Ata poashtu sigurohen që shoferët e taksive nuk lejojnë më shumë se një person në automjetet e tyre, për një kontakt më të kufizuar dhe për shmangjen e përhapjes së pandemisë. "Java e parë e izolimit ishte jashtë kontrollit, njerëzit blenin ushqime, kishte turma në supermarkete dhe shumë prej tyre nuk mbanin as distancën e as maskat. Tani gjërat duken nën kontroll, ”shpjegon Drita.
Drita punon me kolegët e saj të Qendrës Operative Emergjente në vlerësimin e situatës dhe koordinimin e veprimeve, rishikimin dhe verifikimin e listave të personave që kanë nevojë për ndihmë, qoftë të familjeve në skema sociale, qoftë atyre që kanë humbur punën si pasojë e pandemisë. "Ne shpërndajmë ushqim derë më derë dhe sigurohemi që njerëzit, e veçanërisht të moshuarit të cilët jetojnë në fshatra të largëta pa transport privat, nuk do të mbesin të uritur."
Përballë një krize të pashembullt, të rinjtë kosovarë si Drita e kuptojnë se sa jetësore është ta ndihmosh dhe mbështesësh komunitetin tënd. Aktiviteti i USAID-it Up to Youth punon për mobilizimin dhe angazhimin e të rinjve në mënyra të dobishme drejt realizimit të ndryshimeve pozitive në komunitetet e tyre. Si pjesë e Bordit Këshilldhënës Rinor, Drita dhe anëtarët tjerë të Bordit përfaqësojnë zërat e rinisë në aktivitete dhe përfitojnë përvojë të vlefshme për ta udhëhequr Kosovën e së ardhmes, derisa krijojnë ndryshime pozitive në jetën e individëve, në komunën e tyre dhe vendin e tyre.
Comment
Make a general inquiry or suggest an improvement.