Press Release Shim
Speeches Shim
![ឯកឧត្តម វីល្លៀម ហៃដ្ត៍ ឯកអគ្គរដ្ឋទូត សហរដ្ឋអាមេរិកប្រចាំនៅកម្ពុជា និងឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានប្រគល់អាហារូបករណ៍ និងមូលនិធិស្រាវជ្រាវដល់មន្ត្រីសាស្ត្រចារ្យ និងនិស្សិតនៃសាកលវិទ្យាល័យភូមិន្ទកសិកម្ម ឯកឧត្តម វីល្លៀម ហៃដ្ត៍ ឯកអគ្គរដ្ឋទូត សហរដ្ឋអាមេរិកប្រចាំនៅកម្ពុជា និងឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានប្រគល់អាហារូបករណ៍ និងមូលនិធិស្រាវជ្រាវដល់មន្ត្រីសាស្ត្រចារ្យ និងនិស្សិតនៃសាកលវិទ្យាល័យភូមិន្ទកសិកម្ម](https://2017-2020.usaid.gov/sites/default/files/styles/732_width/public/pressreleases/DSC00103.jpg?itok=PjBXDG-B)
For Immediate Release
ថ្ងៃនេះកម្មវិធីអាហារូបករណ៍ និងមូលនិធិស្រាវជ្រាវថ្មីមួយលើជំនាញកសិកម្ម ដែលគាំទ្រដោយរដ្ឋាភិបាលសហរដ្ឋអាមេរិក ត្រូវបានប្រកាសនៅសាកលវិទ្យាល័យភូមិន្ទកសិកម្ម ក្រោមអធិបតីភាព ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ព្រមទាំង ឯកឧត្តម វីល្លៀម ហៃដ្ត៍ ឯកអគ្គរដ្ឋទូត សហរដ្ឋអាមេរិកប្រចាំនៅកម្ពុជា។
អាហារូបករណ៍ និងមូលនិធិស្រាវជ្រាវនេះ នឹងផ្តល់បេក្ខជនដែលទទួលបានជោគជ័យ នូវឱកាសដើម្បីបន្តការសិក្សាថ្នាក់ក្រោយឧត្តមសិក្សា និងធ្វើការសិក្សាស្រាវជ្រាវផែ្នកកសិកម្ម។ យើងសង្ឃឹមថាធនធានទាំងនេះនឹងជួយសាកលវិទ្យាល័យភូមិន្ទកសិកម្ម នូវយុទ្ធសាស្ត្រ និងបច្ចេកវិទ្យាកសិកម្មថ្មីៗ ខណៈពេលដែលសម្របសម្រួលការស្រាវជ្រាវ ការអប់រំ និងការបណ្តុះបណ្តាល លើវិស័យកសិកម្មរបស់ប្រទេសនេះ។ អាហារូបករណ៍និងមូលនិធិស្រាវជ្រាវនេះ ត្រូវបានគាំទ្រដោយកម្មវិធី សន្តិសុខស្បៀងសម្រាប់អនាគត (Feed the Future) របស់រដ្ឋាភិបាលសហរដ្ឋអាមេរិក តាមរយៈមជ្ឈមណ្ឌលឧត្តមភាពប្រពលវប្បកម្មកសិកម្មនិរន្តរភាព និងអាហារូបត្ថម្ភ (CE SAIN)។
ឯកឧត្តម ង៉ោ ប៊ុនថាន សកលវិទ្យាធិការនៃសកលវិទ្យាល័យភូមិន្ទកសិកម្មបានមានប្រសាសន៍ថា៖ “យើងជឿជាក់ថាអាហារូបករណ៍ថ្មីរបស់មជ្ឈមណ្ឌល CE SAIN នឹងផ្តល់ការគាំទ្រផ្នែកបណ្តុះបណ្តាល និងការស្រាវជ្រាវចាំបាច់នានាដល់អនាគតអ្នកជំនាញកសិកម្មរបស់ប្រទេសកម្ពុជា ដើម្បីឲ្យពួកគេទទួលបានជោគជ័យ។”
កម្មវិធីថ្ងៃនេះប្រារព្ធធ្វើឡើងបន្ទាប់ពីមានការអំពាវនាវឲ្យមានការដាក់ពាក្យប្រកួតប្រជែង សម្រាប់អាហារូបករណ៍ និងមូលនិធិស្រាវជ្រាវ ដែលបានប្រកាសតាំងពីថ្ងៃទី២១ ខែឧសភា ឆ្នាំ២០១៧។ ពាក្យស្នើសុំទាំងអស់ត្រូវបានពិនិត្យដោយគណៈកម្មាធិការសាស្រ្តាចារ្យ និងអ្នកវិទ្យាសាស្ត្រអន្តរជាតិ។
កម្មវិធីមន្ទីរពិសោធន៍នវានុវត្តន៍នៃគម្រោងសន្តិសុខស្បៀងសម្រាប់អនាគតរបស់រដ្ឋាភិបាលសហរដ្ឋអាមេរិក បានចាប់ដៃគូជាមួយសាកលវិទ្យាល័យភូមិន្ទកសិកម្មចាប់តាំងពីឆ្នាំ ២០១០ និងបានអភិវឌ្ឍនូវបច្ចេកវិទ្យាថ្មីៗមួយចំនួនសម្រាប់ប្រើប្រាស់ក្នុងប្រទេសកម្ពុជា។ តាមរយៈមជ្ឈមណ្ឌល CE SAIN សាកលវិទ្យាល័យភូមិន្ទកសិកម្មបានចាប់ដៃគូជាមួយទាំងវិស័យឯកជន និងសាធារណៈ ដើម្បីពាំនាំនូវបច្ចេកវិទ្យាថ្មីៗទាំងនោះទៅដល់កសិករកម្ពុជា។ បន្ថែមលើនេះ ក្រុមហ៊ុនឯកជន សមាជិកស្ថាប័នសិក្សា ទីភ្នាក់ងាររដ្ឋាភិបាល និងអង្គការមិនមែនរដ្ឋាភិបាលមួយចំនួន បានបង្ហាញបច្ចេកវិទ្យាប្រពលវប្បកម្មកសិកម្មនិរន្តរភាព និងអាហារូបត្ថម្ភចុងក្រោយរបស់ខ្លួនទៅកាន់ប្រជាពលរដ្ឋ វិនិយោគិន អ្នករៀបចំគោលនយោបាយ និង ទីភ្នាក់ងារផ្តល់ជំនួយនានាផងដែរ។
ឯកឧត្តម វីល្លៀម ហៃដ្ត៍ បានកត់សម្គាល់ថា៖ “យើងមានសេចក្តីរីករាយក្នុងការគាំទ្រចំពោះកិច្ចការរបស់សាកលវិទ្យាល័យភូមិន្ទកសិកម្ម ដែលបានចាប់ដៃគូជាមួយសាកលវិទ្យាល័យកំពូលៗមួយចំនួនរបស់ សហរដ្ឋអាមេរិក ដើម្បីលើកកម្ពស់វិស័យកសិកម្ម និងសន្តិសុខស្បៀងនៅក្នុងប្រទេសកម្ពុជា។” លោកបានបន្ថែមថា៖ “កម្មវិធីអាហារូបករណ៍ និងមូលនិធិស្រាវជ្រាវនេះ នឹងបន្តឆ្ពោះទៅការធ្វើឲ្យប្រសើរឡើងនូវជីវភាពរស់នៅរបស់ប្រជាជនកម្ពុជាគ្រប់រូប។”
សម្រាប់ព័ត៌មានបន្ថែម៖
បណ្ឌិត ហុក លីដា
នាយកមជ្ឈមណ្ឌល CE SAIN
អ៊ីម៉ែល៖ hoklyda@rua.edu.kh
Related Press Releases
- ទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ USAID ប្រកាសនូវគំនិតផ្តួចផ្តើមចម្បងជំរុញគណនេយ្យភាពសង្គម
- ទីភ្នាក់ងារជំនួយអាមេរិក USAID ប្រកាសគម្រោងសំខាន់ៗ ដើម្បីធ្វើអោយប្រជាជនកម្ពុជាមានសុខភាពល្អប្រសើរ
- អ្នកធ្វើសេចក្តីសម្រេចសំខាន់ៗចាប់ផ្តើមដោះស្រាយបញ្ហា និងសកម្មភាពអាទិភាព ដើម្បីអភិរក្សព្រៃឈើ និងបេតិកភ័ណ្ឌវប្បធម៌របស់កម្ពុជា
Comment
Make a general inquiry or suggest an improvement.