DILI, TIMOR-LESTE — Ajénsia Estadus Unidus ba Dezenvolvimentu Internasional (USAID) no Ministériu da Saúde ohin públika rezultadu husi servisu USAID nia Projetu Hakbi’it Servisu Saúde Báziku iha Timor-Leste. USAID nia Projetu Hakbi’it hahú ninia implementasaun iha Dezembru 2015 to Dezembru 2020 nudar parseria entre Governu Timor-Leste no USAID hodi hare ba hasa’e prestasaun servisu saúde nian iha Covalima liu husi haforsa prestasaun servisu saúde ne’ebé integradu no promove hahalok saúde nian. Parseiru nain sira iha Governu Timor-Leste mak inklui Ministeriu da Saude, Servisu Saude Munisipiu Covalima no Institutu Nasional de Saude (INS). USAID nia Projetu Hakbi’it implementa husi JSI Research & Training Institute.

Embaixadora Estadus Unidus ba Timor-Leste Kathleen Fitzpatrick durante ninia deskursu hatete, “Parseria ne’ebé USAID nia Projetu Hakbi’it halo hamutuk ho Ministeriu da Saude kria asesementu ba sentru saude ho di’ak, seguru no ho kualidade ne’ebé aas…. Meta Estadus Unidus nian ba setor saude Timor-Leste mak oinsá atu ajuda kria Sistema saúde ne’ebé bele hetan asesu no hamri’ik mesak. Sistema saude reziliente no hamri’ik mesak nudar Sistema saude ne’ebé lidera ho di’ak, akuntabilidade iha operasaun, efisiénsia, no efetivu. Sistema saude ne’ebé responsive ba servisu saude públiku nia presiza no be;e adopta bainhira presiza – hanesan hare bai ha pandemia, dezastre naturais or krize sira seluk – ne’ebé la fó impaktu ba intrompe servisu saúde ne’ebé importante no prevene husu dezempeñu ne’ebé ladi’ak.” 

Ministra da Saúde Dra. Odete Maria Freitas Belo, Administrador Munispiu Covalima Sr. Afonso Nahak, Diretór Misaun USAID James S. Wright no Xefe de Ekipa USAID nia Projetu Hakbi’it Servisu Saúde Bázika Dra. Harriet Stanley, mós ko’alia iha konferensia ne’e, ne’ebé mós hetan partisipasaun husi reprezentante governante sira husi Ministériu da Saúde, Institutu Nasionál Saúde, Servisu Saúde Munisipiu Covalima, reprezentativu husi sosiedade sivil, no reprezentativu husi doadores no parseiru sira.

Ho USAID nia Projetu Hakbi’it Servisu Saúde Bázika apoiu presentajen iha fasilidade saúde iha Covalima ne’ebé mak bele ona fornese servisu saúde ne’ebé importante aumenta husi porsentu lima nulu resin ida iha 2016 to porsentu neen nulu resin sia iha 2020. Preparasaun hanesan elementu bázika, ekipamentu bázika, prevensaun de infeksaun, servisu laboratóriu, aimoruk no ekipamentu sira seluk. Presentajen feto ba partu iha sentru saúde mós aumenta husi porsentu tolu nulu resin rua iha 2016 to porsentu haat nulu iha 2020 iha ospital referral sira no sentru saúde komunitária husi porsentu ualu iha 2016 to porsentu rua nulu resin rua iha 2020. Iha mós aumentu ne’ebé signifikante iha partisapaun mane no feto ne’ebé hato’o informasaun katak transportasaun komunidade ba inan isin rua sira ne’ebé presiza tebes atuasaun emerjénsia husi porsentu tolu nulu resin rua iha 2016 to porsentu neen nulu rein haat iha 2020 alende husi feto nudar respondente no porsentu rua nulu resin neen iha 2016 to porsentu neen nulu resin ida iha 2020 nudar respondente mane. Persentajen feto ne’ebé dehan espasu ba hetan bebé depois de tinan tolu depois de partus aumenta husi porsentu rua nulu resin hitu iha 2016 to porsentu haat nulu resin sia iha 2020.

Durante pendemia COVID-19, USAID nia Projetu Hakbi’it Servisu Saúde Báziku ajuda autoridade sira iha Covalima hodi fo treinamentu ba servidór saúde sira hamutuk neen nulu no ekipa servisu saúde nian, lideransa komunitária hitu nulu, juventude neen nulu resin rua, USAID ajuda MoH kobre aldeua hitu nulu resin neen iha aldeia 18 ho promosaun saúde no mensajen ba prevensaun COVID-19, inklui feto hamutuk 2,555 no mane hamutuk 667.

Governu Estadus Unidus, liu husi USAID, servisu hamutuk iha parseiru ho Governu Timor-Leste hodi apoiu baze ne’ebé luan no dezenvolvimentu ne’ebé efetivu. Dezde tinan 2001, USAID fornese besik millaun atus tolu lima nulu iha asisténsia dezenvolvimentu ba Timor-Leste. USAID apoiu Timor-Leste nia esforsu hodi harii nasaun ne’ebé demokrátiku, saudavel no prósperu liu husi programa ne’ebé mak haforsa kreximentu ekonomia ne’ebé inkluzivu no sustentável, espesiálmente iha setór agrikultura no turizmu; hadi’a saúde povu Timor-Leste nian, partikularmente feto no labarik; no haforsa fundasaun ba boa governasaun – area hotu ne’ebé mak marka iha Timor-Leste nia Planu Estratéjia Dezenvolvimentu 2013-2030 no sei serve ba halo nasaun bele reziliénsia liu tan iha futuru.